VISITA DE MARÍA REIMÓNDEZ

 Ola amiguiños/as:

Xa estou aquí de novo. Quería contarvos que onte visitounos unha extraordinaria autora: María Reimóndez.

As aulas de 4º A e 4º B disfrutamos da súa visita. Estarédesvos preguntado porque viu esta autora, pois é moi sinxelo, estes rapaees/zas leron "O xeito das froitas".

Un libro que nos gustou moito. A súa protagonista, Iris, é unha rapaza moi especial, e moitas das cousas que lle pasan tamén o son. Animámosvos a que tamén o leades. 

María estivo falándonos sobre Iris, o que lle pasa, e o seu significado, e tamén lle fixeron algunhas preguntas (estes neno/as son moi curiosas/as).  

Despois, firmou os libros cunha dedicatoria diferente para cada un. Foi estupendo!

  

Ata a próxima amiguiños/as!

23 DE ABRIL DÍA DO LIBRO

 Ola compañeiros/as!

Son Celso e xa estou aquí de novo. Nesta ocasión queríavos contar algo moi interesante... 

Sabíades que o sábado foi o día do libro? Espero que si, porque o venres xa nos adiantamos no noso cole nesa celebración. 

Puidéchedes ver na entrada unha exposición de libros relacionados co mar, contaminación e cos faros, xa que o noso tema deste ano tiña que ver con todos eses títulos. Os exemplares que hai, están a vosa disposición na biblioteca e podedes lelos e consultalos. 

 

Ademais, en Radio Celio, os rapaces de 6º B deleitáronnos cun programa adicado ó día do Libro.

Pero aínda temos máis sorpresas! 

Coma xa sabedes, todas as aulas escolleron un faro, facendo unha presentación de cada un deles. As dos rapaces de 1º e 2º expoñeranse na entrada, e as do resto dos cursos poderedes velas a continuación, porque son online!. Será estupendo! 

Poñédevos cómodos que velaí van...

1º A                                                                               1ºB                              

                                                 

3ª A                                                                           3ºB

                                                                                                                                                                                                                                                                                                                        

4º A                                                                                 4º B 

                      

5º A                                                                                5º B

                                

6º A                                                                          6º B

                                         

Amiguiños e amiguiñas, espero que vos gustasen as presentacións. A min encantáronme e aprendín moito dos faros que temos tan preto de nós, na nosa Galiza.

Ata outra!

Proxecto ECOFAROS

 Ola amiguiños/as:

Xa estou aquí de novo e queríavos contar algo... lembrades o noso proxecto deste ano? 

Mirade...

Pois si, o noso proxecto é o dos ECOFAROS. Ademais de coñecer diferentes faros de Galicia, a súa contorna (fauna e flora), tamén seguimos colaborando no coidado do noso planeta: reducindo, reciclando e reutilizando.  

Querémosvos propor facer unha actividade familiar: a realización dunha maqueta do faro correspondente ó curso onde esteades. Se queredes participar, lembrade facela con materiais de refugallo, para así colaborar tamén no coidado do noso planeta. Achégovos o tríptico que fixemos para coñecer todos os faros escollidos.

Esperamos que vos animedes a facer eses marabillosos faros. Estamos desexando velos.

Despois exporémolos no colexio para compartilos con toda a nosa comunidade educativa. 

Ata pronto amiguiños e amiguiñas.