Este curso desde a Asesoría de
Bibliotecas escolares de Galicia, recomendamos que empreguedes “GaliciaLe” da
Rede de Bibliotecas Públicas de Galicia.
Os usuarios da nosa biblioteca poden
acceder facéndose socios dunha biblioteca pública e acceder aos contidos dende
calquera dispositivo multimedia.
Tamén na web “El libro total” hai
lecturas abertas de libros para todas as idades en castelán.
El Libro Total,
unha biblioteca en streaming con máis de 50.000 libros e audiolibros gratis.
O Libro Total é unha
biblioteca en streaming especializada en obras clásicas en dominio público e obras
contemporáneas autorizadas para a difusión sen fins de lucro. Ten máis de
50.000 títulos, entre os que destaca unha gran cantidade de libros infantís,
contos, autores clásicos, novelas, poesía, teatro, audiolibros… Imos, unha
infinidade de xéneros e temáticas para todos os gustos e públicos. A biblioteca
especialízase en obras clásicas libres de dereitos de autor, isto permite que
sexa completamente gratuíta, por tanto, se buscas contido contemporáneo,
posiblemente non o atopes. O obxectivo principal desta biblioteca en streaming
é a recuperación, conservación, divulgación e posta en valor do patrimonio
cultural universal. Pódese acceder á súa colección de libros electrónicos e
audiolibros de maneira gratuíta e sen necesidade de rexistro. Aínda que ben é
certo que hai posibilidade de rexistrarse e crear un usuario para levar un
control das lecturas realizadas, facer listas de favoritos, realizar notas
persoais e seguir a lectura dun libro desde o punto que se deixou.
