Google lanzou á rede un percorrido virtual por 17 das mellores salas de arte do mundo que permite contemplar máis dun milleiro de obras. A iniciativa chámase Art Project e inclúe a dixitalización en alta definición das pinturas máis significativas dos museos seleccionados. Art Project permite aos usuarios de internet visitar por dentro determinadas salas das pinacotecas, cada unha das cales elixiu un cadro da súa colección para ser exposto na rede cunha resolución única. The Metropolitan Museum of Art, o Hermitage, o palacio de Versalles, o Rijksmuseum, a Tate Britain, a Raíña Sofía e o Thyssen están entre as institucións que colaboraron con este proxecto, que facilita tamén facer un percorrido virtual polas galerías dos museos grazas á tecnoloxía 'street-view'. Obras como "Noite estrelada" de Van Gogh, do MoMA de Nova York; "A botella de anís do mono" de Juan Gris, da Raíña Sofía de Madrid; "A aparición do Mesias" de Alexander Ivanov, da Gal