Ola amiguiños/as: Xa estou aquí de novo para contarvos un montón de novidades! Veredes, esta semana celebramos o Día das Letras Galegas e fixemos actividades relacionadas co autor, e tamén co noso proxecto de centro. Exposición de poesías de Florencio Delgado. Os muros do noso centro están cheos de barcos e faros colgados. Podes achegarte e deleitarte con versos do poeta homenaxeado este ano.  Non fai falla que vos diga por que escollimos esas formas non? Lémbrade, polo noso proxecto de centro: Ecofaros . Clica na imaxe e verás a todos/as os rapaces/zas posando coas súas creacións. Que ledicia! Florencio Delgado: Podcast Os rapaces/as de 6º B agasalláronnos cun programa de radio Celio moi especial, lembrando a este marabilloso autor. Escoitade, escoitade, é moi interesante... (Clica na imaxe). Exposición faros Por fin chegou o día! Tiña moitas ganas de ver as vosas maquetas dos faros, e certamente valeu a pena. Son marabillosas!  Quedei abraiado do moito que participáchedes e traballá

  Ola amiguiños e amiguiñas! Onte  tivemos a honra de contar no cole cunha visita moi especial, a da escritora galega   Fina Casalderrey . Estivo cos lectores e lectoras de 6º B para contarnos as súas experiencias co libro   " O  misterio do Faro Vello"   que limos na clase e para emocionarnos coas súas sinxelas e belas palabras. Grazas por este momento tan máxico e que sempre nos ilusione seguir a luz das verbas! Podedes ver o video que preparou a mestra Paz. Disfrutádeo!